புனித அந்தோனியார் இளையோர் மன்ற முகநூல் பக்கம்
Page likes: 857
புனித அந்தோனியார் இளையோர் மன்றம், சுன்னாகம்.
(opens in a new tab)"ஒன்றுபடுவோம் உயர்வடைவோம்"
அனைத்துப் புனிதர்கள் நவநாள்நாள் 1: புனித கன்னி மரியாள் - புனிதர்களின் அரசி! (24.10.2026) தொடக்க ஜெபம்:அன்பும் இரக்கமும் நிறைந்த விண்ணகத் தந்தையே! உமது மாட்சிமையில் வீற்றிருக்கும் அனைத்துப் புனிதர்களையும் எங்களுக்குச் சிறந்த வழிகாட்டிகளாகவும் பரிந்துரையாளர்களாகவும் தந்ததற்காக உமக்கு நன்றி கூறுகிறோம். இவ்வுலகில் எங்களைப் போலவே மனிதர்களாய் வாழ்ந்து, உமது அருளால் புனித நிலையை அடைந்தவர்களின் அடிச்சுவடுகளில் நாங்களும் நடக்க விரும்புகிறோம். இறைவா, உலக மாயைகளைக் கடந்து, உமது அன்பிற்குச் சான்று பகரும் கருவிகளாக எங்களை மாற்றியருளும். இந்த நவநாள் வழியாக நாங்கள் கேட்கும் மன்றாட்டுகளை அனைத்துப் புனிதர்களின் பரிந்துரையால் எங்களுக்குத் தந்தருளும். ஆமென்.*அன்னையின் வழியில் இறைத் திருவுளத்திற்குப் பணிவோம்!**புனிதர்களின் வரலாறு:*புனிதர்களின் வரிசையில் முதன்மையான இடத்தைப் பெறுபவர் தூய கன்னி மரியாள். நாசரேத்தூர் என்ற சிறிய ஊரில் எளிய கன்னியாக வாழ்ந்த மரியாளை, இறைவன் தம் திருமகனின் தாயாகத் தேர்ந்தெடுத்தார். கபிரியேல் தூதர் மங்கள வார்த்தை அறிவித்த நொடி முதல், பெத்லகேம் மாட்டுத்தொழுவம், எகிப்து நாட்டிற்கு அகதியாக ஓடிய துயரம், நாசரேத்தூர் மறைவான வாழ்வு, மற்றும் கல்வாரி மலையில் தன் மகன் சிலுவையில் அறையப்பட்டு மரிப்பதைக் கண்முன்னே கண்ட கொடிய வேதனை வரை அனைத்திலும் இறைவனின் திருவுளத்திற்கு முழுமையாகத் தம்மையே கையளித்தார். பாவ மாசற்றவராய் வாழ்ந்த அன்னை மரியாள், தமது விண்ணேற்பிற்குப் பிறகு விண்ணக அரசியாகவும், அனைத்துப் புனிதர்களின் அரசியாகவும் முடிசூட்டப்பட்டு, இன்று நம் அனைவருக்காகவும் தாயன்போடு பரிந்து பேசி வருகிறார்.விவிலிய வசனம்:"மரியா, 'நான் ஆண்டவரின் அடிமை; உம் சொற்படியே எனக்கு நிகழட்டும்' என்றார். ஏனெனில், வல்லவர் எனக்கு அரும்பெரும் செயல்கள் செய்துள்ளார்." (லூக்கா 1:38, 49) சிந்தனை:*அன்னை மரியாள் எவ்வாறு புனிதர்களின் அரசியானார் என்பதைச் சிந்தித்துப் பார்ப்போம். அவர் பெரிய அதிசயங்களையோ அடையாளங்களையோ நிகழ்த்தவில்லை; மாறாக, இறைவனின் வார்த்தையைத் தன் உள்ளத்தில் இருத்தி, எத்தகைய சவாலான சூழலிலும் "உம் சொற்படியே எனக்கு நிகழட்டும்" என்று தாழ்ச்சியோடு ஏற்றுக்கொண்டார். நாம் எவ்வாறு புனிதர் ஆவது? புனித வாழ்வு என்பது நம் அன்றாட வாழ்வில் வரும் இன்ப துன்பங்களை இறைவனின் திருவுளமாக ஏற்று, முறுமுறுப்பின்றி வாழ்வதில்தான் தொடங்குகிறது. நம் சொந்தத் திட்டங்களை விட இறைவனின் திட்டம் மேலானது என நம்பி, நம் குடும்பப் பொறுப்புகளை அன்போடு நிறைவேற்றும்போது நாமும் அன்னையைப் போலப் புனிதப் பாதையில் நடக்கிறோம்.இன்றைய ஜெபம்:அன்பின் ஊற்றான இறைவா, புனிதர்களின் அரசியான அன்னை மரியாளின் வழியாக உம்மைப் போற்றுகிறோம். அன்னை மரியாள் உமது வார்த்தைக்குக் கீழ்ப்படிந்து நடந்ததைப் போல, நாங்களும் எங்கள் சுய விருப்பங்களைத் துறந்து உமது திருவுளத்தை நிறைவேற்ற அருள்புரியும். எங்கள் குடும்பங்களில் அமைதியும், உள்ளங்களில் தாழ்ச்சியும் நிலைத்திருக்க வரம் தாரும். (உங்கள் தனிப்பட்ட மன்றாட்டைக் கூறவும்...) ஆமென்.புனிதர்களின் அரசியான தூய கன்னி மரியாளே - எங்களுக்காக வேண்டிக்கொள்ளும்!இறைவனின் அனைத்துப் புனிதர்களே - எங்களுக்காக வேண்டிக்கொள்ளுங்கள்!
🙏✨ மறைபரப்பு ஞாயிறு சிறப்பு நிகழ்வு – 2026 ✨🙏🎉 மாபெரும் ஞாயிறு சந்தை 🎉✝️ மறைபரப்பு ஞாயிறு தினத்தை முன்னிட்டு, சுன்னாகம் புனித அந்தோனியார் ஆலயத்தில் மாபெரும் ஞாயிறு சந்தை நிகழ்வு நடைபெறவுள்ளது. ❤️📅 திகதி: 25.10.2026 (ஞாயிற்றுக்கிழமை)⏰ நேரம்: காலை 9.15 மணி📍 இடம்: புனித அந்தோனியார் ஆலயம், சுன்னாகம்🌿 கருப்பொருள் (Theme):“Let us be witnesses of Christ in our daily lives.” ✨💖 “நமது அன்றாட வாழ்வில் கிறிஸ்துவின் சாட்சிகளாக விளங்குவோம்.”🤝 இறையன்பையும் சகோதரத்துவத்தையும் பகிர்ந்துகொள்ளும் இச்சிறப்பு நிகழ்வில் பங்கெடுக்க, பங்கு மக்கள் மற்றும் பொதுமக்கள் அனைவரையும் அன்புடன் அழைக்கின்றோம்!🙏 வாருங்கள்! ஒன்றிணைவோம்! கிறிஸ்துவின் அன்பிற்குச் சாட்சிகளாவோம்! ❤️#MissionSunday2026 #SundayMarket #StAntonyChurch #Chunnakam #மறைபரப்பு_ஞாயிறு #புனிதஅந்தோனியார்ஆலயம்
100ஆவது உலக மறைபரப்பு ஞாயிறை முன்னிட்டு முழுமையான பலன் பெறும் அருளை வழங்கிய திருத்தந்தைகிறிஸ்துவுடனான ஒன்றிப்பும், சமூகங்களுக்கிடையிலான நல்லிணக்கமும், அனைவரின் தாராளமான ஒத்துழைப்பும் மறைபரப்புப் பணிக்கு இன்றியமையாதவை என்று திருத்தந்தை பதினான்காம் லியோ அவர்கள் வலியுறுத்தினார்.அக்டோபர் 11, ஞாயிறன்று, வத்திக்கான் புனித பேதுரு பெருங்கோவில் வளாகத்தில் கூடியிருந்த ஆயிரக்கணக்கான திருப்பயணிகளுக்கு வழங்கிய நண்பகல் மூவேளை இறைவேண்டலின் இறுதியில் இவ்வாறு மொழிந்த திருத்தந்தை, “உலகெங்கும் சென்று படைப்பிற்கெல்லாம் நற்செய்தியை அறிவியுங்கள்” என்ற உயிர்த்தெழுந்த ஆண்டவரின் கட்டளைக்கு திருஅவை எப்போதும் உண்மையுடன் செயல்பட வேண்டும் என்று செபித்தார்.100ஆவது உலக மறைபரப்பு ஞாயிறை முன்னிட்டு, திருத்தந்தை பதினான்காம் லியோ அவர்கள் முழுமையான பலன் பெறும் அருளை வழங்கியுள்ளார். 1926ஆம் ஆண்டு திருத்தந்தை பதினொன்றாம் பயஸ் அவர்களால் தொடங்கப்பட்ட உலக மறைபரப்புப் பணிகள் நாள், இவ்வாண்டு அக்டோபர் 18ஆம் நாள், ஞாயிற்றுக்கிழமை, “கிறிஸ்துவில் ஒன்றிணைந்து, மறைபரப்புப் பணியில் ஒருமைப்பாட்டுடன்” என்ற கருப்பொருளில் கடைப்பிடிக்கப்பட்டது.திருப்பீடத் தண்டனைத் தீர்ப்பாயத்தின் வழியாக வழங்கப்பட்டுள்ள இந்த அருளைப் பெறுவதற்கான வழக்கமான நிபந்தனைகளாக, ஒப்புரவு அருளடையாளம், நற்கருணை அருளடையாளம் மற்றும் திருத்தந்தையின் கருத்துகளுக்காகச் செபித்தல் ஆகியவை குறிப்பிடப்பட்டுள்ளன. மேலும், உலகெங்கும் நற்செய்தி பரவுவதற்காகத் திருத்தந்தையுடன் இணைந்து ஜெபமாலை செபிக்கவும் இறைமக்கள் அழைக்கப்பட்டுள்ளனர்.ஜனவரி 25ஆம் நாள் வெளியிடப்பட்ட உலக மறைபரப்புப் பணிகள் நாள் செய்தியில், தூய ஆவியாரின் வழிநடத்துதலுடன், மகிழ்ச்சியோடும் ஆர்வத்தோடும் மறைபரப்புப் பணியைத் தொடருமாறு திருத்தந்தை திருஅவைக்கு அழைப்பு விடுத்தார்.மோதல்கள், பிளவுகள், தவறான புரிதல்கள் மற்றும் ஒருவர் மீது ஒருவர் கொண்டுள்ள அவநம்பிக்கை ஆகியவை கிறிஸ்தவ சாட்சிய வாழ்வைப் பலவீனப்படுத்துகின்றன என்று சுட்டிக்காட்டிய திருத்தந்தை, நற்செய்தியை அறிவிக்கும் பணி அனைவரும் இணைந்து மேற்கொள்ளும் சமூகப் பணியாகவும், ஒன்றிப்பிலும் கூட்டுப் பயணத்திலும் முன்னெடுக்கப்பட வேண்டிய பணியாகவும் இருக்க வேண்டும் என்று எடுத்துரைத்து மூவேளை இறைவேண்டல் உரையை திருத்தந்தை நிறைவு செய்தார்.
⛪✨ நேரலை | சுன்னாகம் புனித அந்தோனியார் ஆலயம் ✨⛪📖 மறைக்கல்வி மாணவர்களின் ஆன்மீக மற்றும் அறிவு வளர்ச்சிக்காகப் புதிதாக நிர்மாணிக்கப்பட்ட “அறிவாலயம்” கட்டடத்தின் ஆசீர்வதித்து திறந்து வைக்கும் நிகழ்வினை எமது நேரலை 🙏✨🔴 நிகழ்வு நேரலை | LIVE NOW 🔴
மறைபரப்பு ஞாயிறு திருப்பலியும் மறை அறிவாலயம் திறப்பு வைபவமும் 18.10.2026 @St.AntonysMediaChunnakam
youtube.com
வருகின்ற மறைபரப்பு ஞாயிறு திருப்பலியும் மறை அறிவாலயம் திறப்பு வைபவம...
This content isn't available right now
When this happens, it's usually because the owner only shared it with a small group of people, changed who can see it or it's been deleted.
இயேசுவின் திரு இருதயச் செபமாலைபிதா சுதன் பரிசுத்த ஆவியின் பெயராலே ஆமென்.கிறிஸ்துவின் திரு ஆத்துமமே, -என்னைத் தூய்மையாக்கும்கிறிஸ்துவின் திரு உடலே, -என்னை மீட்டருளும்.கிறிஸ்துவின் திரு இரத்தமே, என்னை நிரப்பியருளும்.கிறிஸ்துவின் திருவிலாத் தண்ணீரே, என்னை கழுவியருளும்.கிறிஸ்துவின் திருப்பாடுகளே, என்னைத் திடப்படுத்தும்.ஓ, நல்ல இயேசுவே, எனக்கு செவி சாய்த்தருளும்.உம் திருக்காயங்களுக்குள் என்னை மறைத்தருளும்.உம்மை விட்டு என்னைப் பிரியவிடாதேயும்.பகைவரிடமிருந்து என்னைக் காத்தருளும்.என் மரண நேரத்தில் என்னை அழைத்து, உம் புனிதரோடு எக்காலமும்உம்மைப் புகழ எனக்குக் கற்பித்தருளும் - ஆமென்.பத்து மணிக் கருத்துக்கள்:1. பிற சமயத்தினரால், பிரிவினைச் சகோதரரு அனைவராலும் இழைக்கப்படும் நிந்தை அவமானங்களுக்குப் பரிகாரமாக செபிப்போம்.2. மாசு நிறைந்த கிறிஸ்தவர்களால் ஏற்படும் நிந்தைகளுக்குப் பரிகாரமாக செபிப்போம்.3. நாம் அனைவரும் கட்டிக்கொண்ட பாவங்களுக்குப் பரிகாரமாக செபிப்போம்.4. மனிதர் அனைவராலும் வருவிக்கப்படும் அவமானங்களுக்குப் பரிகாரமாக செபிப்போம்.5. எல்லாரும் திருஇருதயத்தை அறிந்து அன்புசெய்யுமாறு அமல அன்னை, புனிதர் அனைவரின் அன்புப் பெருக்குடன் ஒப்புக்கொடுப்போம்.*சிறிய மணி:* இயேசுவின் மதுரமான திருஇருதயமே - என் சிநேகமாயிரும்.!*பத்து மணி முடிவில்:* மரியாவின் மாசற்ற இருதயமே, என் இரட்சணியமாயிரும்*பெரிய மணி இதயத்தில் தாழ்ச்சியும் சாந்தமும் உள்ள இயேசுவே! - என் இதயத்தை உம் இதயம் போல் ஆக்கியருளும்!ஐம்பது மணி முடிவில்:*முதல்வர்:* இயேசுவின் திரு இதயமே*எல்லாரும் எங்கள்மேல் இரக்கமாயிரும்.*முதல்வர்:* சென்மப் பாவமில்லாமல் உற்பவித்த புனித மரியாயின் மாசற்ற திரு இருதயமே*எல்லாரும் எங்களுக்காக வேண்டிக்கொள்ளும்*முதல்வர்:* இயேசுவின் திரு இருதயம்எல்லாரும்: எங்கும் போற்றப்படுவதாக.*முதல்வர்:* திரு இதயத்தின் அன்பரான புனித சூசையப்பரேஎல்லாரும் :எங்களுக்காக வேண்டிக் கொள்ளும்.இயேசுவின் திருஇருதயமே ! உமது இராச்சியம் வருக. எங்கள் பாவங்ளைப் பொறுத்தருளும். எனது செபம், தபம், அனுதின அலுவல், இன்ப துன்பம் எல்லாவற்றையும் உமக்கு ஒப்புக்கொடுக்கிறேன். எனது கடைசி மூச்சு வரை உம்மை நேசிக்கவும் உமக்கு மகிமை வருவிக்கவும் வேண்டிய வரம் தந்தருளும்.ஆமென்.
மறைபரப்பு ஞாயிறு திருப்பலியும் மறை அறிவாலயம் திறப்பு வைபவமும் 18.10.2026 @St.AntonysMediaChunnakam
மறைபரப்பு ஞாயிறு திருப்பலியும் மறை அறிவாலயம் திறப்பு வைபவமும் 18.10.2026 @St.AntonysMediaChunnakam
www.youtube.com
வருகின்ற மறைபரப்பு ஞாயிறு திருப்பலியும் மறை அறிவாலயம் திறப்பு வைபவம...
This content isn't available right now
When this happens, it's usually because the owner only shared it with a small group of people, changed who can see it or it's been deleted.
This content isn't available right now
When this happens, it's usually because the owner only shared it with a small group of people, changed who can see it or it's been deleted.
.🌸 இனிய சிறுவர் தின நல்வாழ்த்துகள்! 🌸💖 ஒவ்வொரு சிறுவரின் கனவுகளும் நனவாகட்டும்!🌈 அன்பும் மகிழ்ச்சியும் நிறைந்த குழந்தைப் பருவம் மலரட்டும்!✨ திடமான உள்ளங்கள் – வளமான சிறுவர்கள்!அனைத்து சிறுவர் செல்வங்களுக்கும், சுன்னாகம் புனித அந்தோனியார் இளையோர் மன்றம் தனது இனிய சிறுவர் தின நல்வாழ்த்துகளைத் தெரிவித்துக்கொள்கிறது. ❤️
✨🙏 முதன்மை வானதூதர்களின் பெருவிழா 🙏✨“ஆண்டவரின் தூதர்களே, அவரைப் போற்றுங்கள்;அவரது வாக்குக்குச் செவிசாய்த்து, அவரது கட்டளைகளை நிறைவேற்றும் வலிமைமிக்கோரே, அவரைப் போற்றுங்கள்!”— திருப்பாடல்கள் 103:20இன்று, தூய கத்தோலிக்கத் திருச்சபை, இறைவனின் திருமுன் நின்று அவருக்குப் பணியாற்றும் முதன்மை வானதூதர்களான புனித மிக்கேல், புனித கபிரியேல் மற்றும் புனித ரபேல் ஆகியோரின் பெருவிழாவை மகிழ்ச்சியுடனும் பக்தியுடனும் கொண்டாடுகிறது.🕊️ புனித மிக்கேல் வானதூதர், இறைமக்களின் பாதுகாவலராக இருந்து, தீமையின் வல்லமைகளுக்கு எதிராக விசுவாசத்திலும் துணிச்சலிலும் உறுதியாக நிற்க நமக்கு முன்மாதிரியாகத் திகழ்கிறார்.🕊️ புனித கபிரியேல் வானதூதர், இறைவனின் நற்செய்தியை அறிவித்த தூதராக, ஆண்டவரின் அழைப்பை நம்பிக்கையுடனும் பணிவுடனும் ஏற்று, அவரது திருவுளத்திற்கு கீழ்ப்படிந்து வாழ நமக்குக் கற்றுத்தருகிறார்.🕊️ புனித ரபேல் வானதூதர், இறைவனின் குணப்படுத்தும் அன்பையும் பராமரிப்பையும் வெளிப்படுத்துபவராக, நமது வாழ்வின் ஒவ்வொரு பயணத்திலும் இறைவனின் துணையும் அருளும் நம்மோடு இருப்பதை நினைவூட்டுகிறார்.🙏 இந்த முதன்மை வானதூதர்கள் நமக்கு வழிகாட்டிகளாக இருந்து, தீமைகளிலிருந்து நம்மைப் பாதுகாத்து, விசுவாசத்தில் நம்மைப் பலப்படுத்தி, இறைவனை இன்னும் நெருங்கிச் செல்ல வழிநடத்துவார்களாக!அவர்களைப் போல நாமும் ஆண்டவரின் திருவுளத்தை ஏற்று, அவருக்கு உண்மையுள்ள ஊழியர்களாக வாழ்ந்து, நமது வாழ்வின் மூலம் அவரது அன்பையும் நற்செய்தியையும் உலகிற்கு எடுத்துரைப்போமாக.❤️ புனித மிக்கேலே, புனித கபிரியேலே, புனித ரபேலே, எங்களுக்காக வேண்டிக்கொள்ளுங்கள்! 🙏🌿 புனித அந்தோனியார் இளையோர் மன்றம் – சுன்னாகம் 🌿
🕊️ மரண அறிவித்தல் 🕊️எம் ஆலயத்தின் திருப்பண்டக் காப்பாளரும், எம் அன்பிற்கும் பாசத்திற்கும் உரியவருமான திரு. எ. அருளானந்தம் அவர்கள் இறைவனடி சேர்ந்தார் .«“என் வாழ்வின் ஒவ்வொரு கட்டமும் உமது கையில் உள்ளது.”திருப்பாடல்கள் 31:15»அன்னாரின் இறுதி அஞ்சலித் திருப்பலி 16.09.2026 மாலை 3.00 மணிக்கு சுன்னாகம் புனித அந்தோனியார் ஆலயத்தில் ஒப்புக்கொடுக்கப்படும்.அதனைத் தொடர்ந்து, அன்னாரின் பூதவுடல் புனித அந்தோனியார் சேமக்காலைக்கு எடுத்துச் செல்லப்பட்டு நல்லடக்கம் செய்யப்படும்.அன்னாரின் ஆன்மா இறைவனில் இளைப்பாற வேண்டி நிற்கின்றோம். 🙏🕊️புனித அந்தோனியார் இளையோர் மன்றம், சுன்னாகம்.
This content isn't available right now
When this happens, it's usually because the owner only shared it with a small group of people, changed who can see it or it's been deleted.